სიმფსონ-გალაბი-ბემელის (Simpson-Galabi-Behmel) სინდრომი სქესთან შეჭიდული, მხოლოდ მამაკაცებში: მაკროსომია, სახის უხეში ნაკვთები: ფართოდ განლაგებული თვალები (ჰიპერტელორიზმი), მაკროგლოსია, სასის დეფექტი, მუცლის კუნთების დიასტაზი, დიაფრაგმალური თიაქარი, ჭიპის თიაქარი, გონებრივი ჩამორჩენა, კანცეროგენული დაავადებების (ნეირობლასტომები) განვითარება.
სილვერ-რასელის (Silver-Russell) სინდრომი - აუტოსომურ-რეცესიული, თანდაყოლილი დვარფიზმი (სიმდაბლე): მცირე მასა დაბადებისას, სიმდაბლე, საერთო განვითარების შეფერხება, სამკუთხა სახე, ქვემოთ დაშვებული პირის კიდეები, დამოკლებული თითები, სინდაქტილია.
სვაიერის (Swyer) სინდრომი, XY მდედრობითი გონადების დისგენეზია - ჰიპოგონადიზმი, როდესაც ადამიანს გააჩნია 46,XY. გარეგნულად ქალია და მკურნალობის გარეშე არ ხერხდება სქესობრივი მომწიფება. ახდენენ ასეთი გონადების ქირურგიულ ამოკვეთას და ქალური ჰორმონებით ჩანაცვლებით თერაპიას.
სტარჯ-ვებერ-კრაბეს (Sturge–Weber-Krabbe) სინდრომი (შტურგე-ვებერ-კრაბეს სინდრომი) - თავის ტვინის რბილი გარსისა და თვალის ბადის ანგიომატოზი+თავის ტვინის კალცინოზი+ ცეცხლოვანი ნევუსები სახეზე. ხშირად თან ახლავს გულყრები, გლაუკომა, სამწვერა ნერვის ტოტების ხაზზე სისხლძარღვოვანი ნევუსები.
უოტერჰაუს-ფრიდერიხსენის (Waterhause – Friderichsen) სინდრომი - თირკმელზედა ჯირკვლის ქერქის უკმარისობა, გამოწვეულია თირკმელზედა ჯირკვალში სისხლჩაქცევებით, ინფექციებით (ჰერპესი, გრიპი), გლუკოკორტიკოიდების ბირთვების დარღვევები, თანდაყოლილი ჰიპოპლაზია.
კლინიკა: ადინამია, კუნთთა ჰიპოტონია, ჰიპორეფლექსია, სიფერმკრთალე, ანორექსია, არტერიული წნევა დაბალია, ტაქიკარდია (იშვიათად ბრადიკარდია), ოლიგურია, ხშირი თხელი განავალი=> ექსიკოზი, ანურია, კომა. ინფექციების ფონზე სხეულის მაღალი ტემპერატურა, ციანოზი, ქოშინი, კრუნჩხვები, პეტექიალური გამონაყარი.
ლაბორატორია: ჰიპერკალიემია, ჰიპოგლიკემია, მკვეთრი ლეიკოციტოზი, ფორმულის მარცხნივ გადახრით, ეოზინოფილია, სისხლში კორტიზოლის დაქვეითება, ადრენოკორტიკოტროპული ჰორმონისმომატება, შარდში17-ოქსიკეტოსტეროიდების ექსკრეციის დაქვეითება.