ჰორმონალური კრიზი

• აღენიშნება ორივე სქესის 2/3 ახალშობილს;
  
• სქესობრივი კრიზი ხშირია გოგონებში;
  
• დესკვამატური ვულვოვაგინიტის გამოვლენის ხარისხი პირდაპირპროპორციულია გამონადენის რაოდენობისა;
  
• ფარული მეტრორაგია აღენიშნება 72,7%, საშუალოდ ჩნდება მე-5 დღეს და გრძელდება 2 დღე;
  
• მეტრორაგიის შემთხვევაში არ აღინიშნება ფიზიოლოგიური სიყვითლე, აქვთ სხეულის დიდი მასა, მასის დეფიციტი უმნიშვნელოა;
  
• პირველი წლის განმავლობაში ნაკლებად „ავადმყოფობენ“, რადგანაც მათ ნეიტროფილებში აღინიშნება გლიკოგენის შემადგენლობა, რაც განაპირობებს ნეიტროფილების მომატებულ ფაგოციტურ აქტივობას..

     ლორწოს არბორიზაციის ფენომენი ანუ „გვიმრის ფოთლის“ ფენომენი - მიკროსკოპიისას ცხვირის ღრუს ლორწოში გვიმრის ფურცლის მსგავსი კრისტალიზაციის აღმოჩენა.

გამოკვლევის ტექნიკა: ბამბის ტურუნდით ცხვირის ღრუდან იღებენ ლორწოს და გადააქვთ მინაზე, აშრობენ და იკვლევენ მიკროსკოპში მცირე გადიდებაზე. თუ გვიმრის ფოთლის ნახაზი კარგად ჩანს შეფასებაა „+++“, თუ ნახაზი იშვიათია „++“, ხოლო თუ გვხვდება ერთეული ნახაზი „+“, თუ ნახაზი არ ჩანს „-„.

მნიშვნელობა: ლორწოს არბორიზაციის ფენომენი მიუთითებს ახალშობილის ორგანიზმში ესტროგენების კონცენტრაციაზე. სიყვითლის გარეშე მიმდინარე ჰორმონალური კრიზის დროს არბორიზაციის ფენომენი იშვიათია. კრიზის გარეშე - არბორიზაცია ხშირი და ხანგრძლივია.

NB! ჰორმონალური კრიზი სიყვითლის ფონზე მიუთითებს ბილირუბინის ინაქტივაციის სერიოზული დარღვევებით.

არ არის სხეულის მასის მატება => არასაკმარისი კალორიულობა.