ციანოზი

  ციანოზი ვიზუალურად შესამჩნევი ხდება როდესაც კაპილარებში არაოქსიგენირებული (აღდგენილი) ჰემოგლობინის რაოდენობა აღწევს 5 გრამს, ან სისხლის ჯანგბადით გაჯერება 70%-ზე ნაკლებია (ჰემოგლობინის ნორმალური მაჩვენებლის პირობებში).

        1.ცენტრალური ციანოზი - სისტემურ სისხლის მიმოქცევაში არაოქსიგენირებული (აღდგენილი) ჰემოგლობინის კონცენტრაციის ზრდა.

მიზეზები:

• არაადეკვატური ალვეოლარული ვენტილაცია ცნს-ის დათრგუნვის გამო;
• სასუნთქი გზების ობსტრუქცია;
• ვენტილაციურ-პერფუზიული შეფარდების დარღვევები;
• შიდაკარდიული სისხლის გადასროლა მარჯვნიდან მარცხნივ (გული მანკები);
• ფილტვისმიერი არტერიო-ვენოზური ფისტულა.

         2.პერიფერიული ციანოზი - იწვევა წუთმოცულობის შემცირებისას, რადგანაც იზრდება არტერიო-ვენოზური სხვაობა, რაც იწვევს არაოქსიგენირებული (აღდგენილი) ჰემოგლობინის მატებას კაპილარებში. ხშირად ეს არის აკროციანოზი.

  პერიფერიული ციანოზი, რომელიც თან ახლავს პოლიციტემიას, გამოწვეულია ცირკულირებად სისხლში იგივე არაოქსიგენირებული (აღდგენილი) ჰემოგლობინის მატებით.

          3.დიფერენცირებული ციანოზი - იწვევა, როდესაც ჯანგბადით სისხლის გაჯერება პრედუქტალურ დონეზე მეტია ვიდრე პოსდუქტალურ დონეზე. ამ შემთხვევაში, ხელის მტევნები ვარდისფერია, ხოლო ტერფები - ციანოზურია. ახალშობილებში დიფერენცირებული ციანოზის არსებობა ნიშნავს, რომ მაგისტრალური არტერიები განლაგებულია ნორმალურად, ხოლო არაოქსიგენირებული სისხლი მიედინება ფილტვის არტერიიდან აორტაში ღია არტერიალური სადინრის მეშვეობით.

ახასიათებს:

• ფილტვების მდგრად ჰიპერტენზიას;
• აორტის რკალის ჰიპოპლაზიას;
• აორტის წყვეტილ რკალს;
• აორტის კრიტიკულ კოარქტაციას;
• კრიტიკულ აორტალურ სტენოზს.

           4.უკუ-დიფერენცირებული ციანოზი - იწვევა, როდესაც ჟანგბადით სისხლის გაჯერება მეტია პოსტდუქტალურ დონეზე, ვიდრე პრედუქტალურ დონეზე. ვლინდება ხელის მტევნების ციანოზით, ხოლო ტერფები ვარდისფერია.

ახასიათებს:

• მაგისტრალური არტერიების d-ტრანსპოზოციას, როდესაც ოქსიგენირებული სისხლი გადის მხოლოდ არტერიული სადინრის მეშვეობით დაღმავალ აორტაში;
• მაგისტრალური არტერიების ტრანსპოზიციას ფილტვების ჰიპერტენზიით.